【紅酒入門】究竟紅酒咩年份最好？

對於紅酒年份邊一年最好，相信大家都有唔同嘅見解，有人話1982年係一個好年份，又有人話2005年又係一個好年份，咁究竟紅酒有冇一個"最好"嘅年份呢？

講到紅酒年份，先要由葡萄開始講起，紅酒年份係指葡萄收成嘅果一年，紅酒釀製時，葡萄質素嘅好與壞，往往係直接影響到紅酒嘅質素。一年一穫嘅葡萄經歷發芽到開花、結果、成熟、採收，係一段漫長嘅時間，呢段期間內嘅氣溫、陽光和雨量等氣候因素，都會表現起釀造嘅酒上。有啲年份可能冬天太凍造成霜害，或者雨季過長導致葡萄藤發霉、腐爛。亦因為如此，即使係同一產區，隨著每年嘅葡萄狀態不同，釀出來嘅酒當然都會有變化。

酒評對各國嘅葡萄酒都有非常詳細嘅年份表（Vintage Chart），從果區嘅白酒到紅酒都有詳細嘅評分，邊一年嘅水準好、邊一年應該飲、邊一年仲可以存放，全部都睇得到。

Wine Enthusiast Vintage Chart 2022

隨著時間過去，葡萄酒嘅風味會慢慢發生變化，而葡萄酒味道最巔峰嘅適飲期起上圖都可以睇到。有陳年潛力嘅酒起年輕嘅時侯可能唔適合飲，而時間會令酒變得：

1. 顏色更偏咖啡色
2. 單寧變柔和
3. 酸度變得圓潤
4. 新鮮果味轉為乾果類，開始出現蘑菇、蔬菜與泥土嘅味道

而呢啲咁多種嘅風味要達到一個完美平衡嘅時候，就是我地所講嘅「適飲期」。

咁係唔係差嘅年份就一定係差既紅酒呢？氣候因素嘅多變，好年份難能可貴，好多人選酒時將年份當成唯一嘅指標。但千祈唔好忘記葡萄酒嘅「天、地、人」，除咗年份同風土，釀酒師嘅努力都唔可以或缺。豐收年嘅酒固然完美，但歉收年，釀酒師會下功夫，降低收穫量，提升濃郁度，釀造過程中都會費盡心思來提升品質。呢種歉收年嘅酒雖然葡萄質素唔係最佳，但釀酒師都會將酒嘅平衡調教出最好的質素。所以都有人講：冇唔好嘅年份，只有困難嘅年份。